كريمة غيث دارت مبادرة لمساعدة الناس المحتاجين ولي تأثرو بفيروس كورونا بعدما سدات الخدمة ديالهم -فيديوهات

دخلات الفنانة كريمة غيث في الحملة التوعوية لي دايرينها بزاف ديال الفنانين تزامنا مع انتشار فيروس كورونا في المغرب وفي العالم، وعلنات أنها غادي تخرج مع جمعية باش تعاون العطاشة والبناية لي تحبسات عليهم الخدمة.
كريمة نشرت فيديو على حسابها في انستگرام كتقول فيه أنها فرحانة بمبادرة لمغاربة في التصدي لكورونا والوعي ديالهم بأهمية البقاء في الدار عوض الخروج للمساهمة في الحد من انتشار المرض.
كريمة طلبت من الناس يعاونو لي تقطعو عليهم الأجر بسبب توقف العمل ديالهم والناس لي تحبسات عليهم الأنشطة ديالهم باش يقدو يسايرو الوضع، حتى دوز هاد الجايحة.