خاص. ترامب راضي علينا. المغرب ما معنيش بمنع الرحلات من والى اوروبا ولكن هادو ممنوع عليهم يسافرو مع “لارام”

علمت “كود” ان المغرب ما معنيش بقرار الرئيس الامريكي دونالد ترامب الاخير واللي فيه منع بشكل كلي الرحلات من امريكا الى اوربا ومن اوربا الى امريكا وهاد القرار فيه دول اخرى. هاد القرار الامريكي كان استثنى بريطانيا بوحدها لحد الان.
وفق مصدر ل”كود” فرحلات الخطوط الملكية المغربية الى المدن الامريكية غادية تستامر. ما غادياش توقف. هاد الشي عندو علاقة بكون “كورونا فيروس” اللي ما وصلش عندنا بالحدة اللي وصل ليها لاوربا. دابا يالله عندنا 6 حالات ومرا وحدة ماتت بالاضافة الى حالات اخرى خاضعة للمراقبة الطبية.
دابا وحدين من هادو ما يمكنش يركبو فهاد الطيارة من كازا واللي هما، وفق مصدر ل”كود” فان اي واحد كان فاروربا 15 يوم قبل من رحلتو لامريكا ما غاديش يطلع للطيارة.