دمايات وبكى فرحلة القاهرة كازا والبيلوط كان غادي ينزل كلشي فمالطا والبوليس تسنى اللي نوضوها فباب الطيارة

عاش ركاب رحلة القاهرة كازا البارح رحلة رعب. الرحلة على الخطوط المصرية اللي كان خاصها توصل مع العشرة ونص تعطلات ساعة. وفق احد الركاب ل”كود” فان مدابزة خايبة ناضت اثناء الرحلة بين شي ركاب. وفق مصدر “كود” شي وحدين كانو ناشطين بزاف وواحد ضرب لاخر وناضت عصا وتجرحو وسال الدم. هاد الجو يضيف مصدر “كود” خلع الركاب بزاف وشي بدا يبكي.
واضاف ل”كود” ان البيلوط كان غادي ينزل فمالطا بسباب الصداع. ركاب اخرين دخلو بخيط ابيض باش يكمل الرحلة. وفق المصدر نفسه ل”كود” فان البوليس كان كيتسنى فباب الطيارة. غير نزلات للارض وتفتح باب الطيارة قرقبو على هادوك اللي طايفو