بعد انتشار الفيروس بشكل كبير فالبلاد.. وزير الثقافة الفرانساوي تعادا ب”كورونا”

اعلن الديوان ديال وزير الثقافة الفرنسي، فرانك رياستي، بللي الوزير تقاس حتى هو بفيروس “كورونا” المستجد، وأكد بللي وضعيتو مستقرة.
وحسب ما أعلنه الديوان، فرياستي اليوم حس بأعراض الإصابة بالفيروس، وجاتو السخانة وبدا يكح، ومنين مشا اليوم نيت يدير التحاليل، طلعو ليه النتائج إيجابية.
وأكد المسؤول على ديوان وزير الثقافة الفرنسي باللي هذ الأخير تقاس بكورونا من بعد ما زار الجمعية الوطنية الفرنسية اللي تكلفات باستقبال ووضع المصابين بالفيروس فالحجر الصحي.
ونهار على نهار “كورونا” بدا ينتشر ففرانسا بواحد الشكل مخيف، فحسب آخر ارقام علنات عليها وزارة الصحة، بلغ عدد المصابين بالفيروس ففرانسا وصلو لألف و191 حالة، بينما بلغ عدد المتوفين بالفيروس 21 شخص.