بسباب كورونا فيروس. ماكرون ممنوع عليه يماطي يدو ويسلم على مواطنيه

الرئيس الفرنسي ايمانويل ماكرون ممنوع عليه يسلم على مواطنيه باليد. هاد الشي جا بعد تطبيق الاليزي لبرطوكول اليقظة حول رئيس فرنسا بسباب كورونا فيروس.
هاد البروطوكول الجديد جا بعد ما وصل عدد المصابين ففرانسا 191 بهاد الفيروس اللي قتل منهم 3 لحد الان. فرانسا هي الدولة الثانية من حيث عدد المصابين بعد ايطاليا.
ماشي غير السلام اللي تمنع على رئيس فرانسا بل حتى اللقاءات والزيارات الرسمية تعدلات. لقاء ماكرون بمجلس اليهود الفرنسيين “كريف” اليوم تأجل وزيارتو لبولينيزي الفرنسية اللي كانت وسط ابريل حتى هي تأجلات. ناسو كيقولو باللي كاين بروتوكول اليقظة حول الرئيس.
تفاصيل عن موقع مجلة باري ماتش