مدير الطيران المدني ل”كود”: مايمكنش دبا نوقفو الرحلات الجوية من الطاليان للمغرب وكاين مراقبة دقيقة على كل طيارة دخلات من تما

أوضح زكرياء بلغازي، مدير الطيران المدني بوزارة السياحية والنقل الجوي، أنه لحدود الساعة مكاين لاش يوقف المغرب الرحلات الجوية القادمة من إيطاليا، مؤكدا أن وزارة الصحة تقوم بإجراءات احترازية على أحسن وجه
وأضاف مدير الطيران المدني، في تصريح ل”كود”، قائلاً: “الاحتياطات ضروري خاصها تكون وداك الدول اللّي وقفات الرحلات الجوية مع الطاليان معندهاش الإمكانيات باش يرصدو “كورونا” فيروس بحالنا ف المغرب”.
وأكد بلغاني أن الخلية اللي متبعة هادشي خدامة كل دقيقة، مشيرا في نفس الوقت بالقول: “يلا كبرات الأمور غادي نقدرو ناخدو شي إجراءات أخرى، لكن مزال مكاينش شي حاجة دبا، ومخاصناش نسبقو الاحداث حقاش دبا كاين تتبع دقيق لهادشي”.
وبخصوص الرحلات الجوية لي كتجي من الصين. أوضح مدير الطيران المدني أن جمهورية الصين الشعبية مابقاش عندها شي رحلة جوية للمغرب بل هوما مكيخرجوش ومكيدخلوش كاع وسادين على راسهوم.