درون سدات مطار باراخاس بمدريد. ساعة ونص وكلشي واقف

مطار باراخاس بمدريد واحد من اكبر مطارات اسبانيا سد بسباب “درون”. السلطات المكلفة بالملاحة الجوية قررات تسدو لاكثر من ساعة ونص باش شاف بيلوط “درون” كيحوم حدا المطار. هاد الشي تسبب فمشاكل كثيرة. اكثر من 26 رحلة بقات معلقة ورحلات نقلوها لمطارات خرى. هاد البروطوكول دارتو سلطات اسبانيا حقاش خافت من عمل ارهابي.
دابا تفتح تحقيق يعرفوها لمن هاد “درون”. اللي غادي يحصل غادي يودي مزيان. فاسبانيا ممنوع تخلي “درون” ديالك تحلق على بعد 15 كلمتر من المطار واللي لقاوه عندو عقوبة ما بين 90 الف الى 225 الف اورو والدعيرة تقدر توصل حتى 4.5 مليون اورو ايلى كان مول “درون” عندو خبرة فالملاحة الجوية والطيران.
هاد الشي خربق كاع الملاحة اليوم فمطار العاصمة الاسبانية.