الوداد مع دوسابر غادي اللور اللور.. خسر بواحد أمام الجديدة والناهيري تصالح مع الجمهور – فيديو

فريق الوداد البيضاوي غادي اللور اللور مع الفرنسي سيباستيان دوسابر، بعدما خسر اليوم السبت لواحد لزيرو أمام جمهوره بملعب مركب محمد الخامس في الدار البيضاء، برسم الدورة 16 من منافسات البطولة.
فريق الوداد ظهر بمستوى متواضع في عاد الماتش ولم يقدم لاعبوه اي اضافة ولم يقوموا بهحومات خطيرة.
وبان خلال هاد الماتش أن الوداد عندو مشكل في الدفاع، الشيء اللي تأكد من بعد ما سجل الدفاع الحسني الجديدي في الدقيقة 19 بواسطة اللاعب التنزاني سايمون مسوفا.
في الشوط الثاني، حاول الوداد يرجع فالماتش وخلق فرص لكن معاجميه لم يستغلوها خصوصا من طرف الكونگولي كازادي.
واستغل محمد الناهيري هاد الماتش باش يعتادر للجمهور الودادي وذلك بإهدائه باقة ورد قبل انطلاق الماتش.
من بعد هاد الهزيمة، تجمد رصيد الوداد في النقطة 33، محتفظا بصدارة البطولة الاحترافية، فيما ارتقى الدفاع الحسني الجديدي إلى المركز السادس برصيد 23 نقطة