واش بصاح 85 فالمائة من منتوجات “بيم” مغربية؟ مصدر من وزارة التجارة ل”كود”: هادي 3 سنين باش اجتامع معاهم لوزير على هاد القضية ودابا غاديين نتحققو من هاد الشي وكاينين سلعة مشرية فالمغرب ولا مصنوعة فالمغرب

قال مصدر من وزارة الصناعة والتجارة والاقتصاد الاخضر والرقمي ل”كود” ان ما صرح به مسؤول شركة “بيم” التركية اليوم لرويترز “جا بعد اجتماع هادي 3 سنين بين الوزير مولاي حفيظ العلمي وبين مسؤول “بيم” بتركيا ومسؤولها بالمغرب. المصدر اكد ل”كود” ان الاجتماع المذكور كانت رسالتو واضحة “مالين لحوانت كيتشكاو من المنافسة اللي غير متوازنة. وخاصكم تحطو المنتوج المغربي فمحلاتكم. وما خاصكمش تحطو هاد المنتوج المغربي حدا المنتوج التركي من نفس الماركة اللي اصلا كيستافد من الدعم” .
المدير المالي لشركة “بيم” التركية، قال اليوم ان “85 في المائة من منتوجاتها مغربية”.
وأوضح المسؤول المالي لشركة بيم، خالوق دوترل أغلو في تصريح لوكالة رويترز، أن “بيم تشغل ثلاثة ألاف مغربي و85 من منتوجاتها تشتريها على مسوى المحلي و15 في المائة فقط منتوج تركي”.
مصدر “كود” قال ان الوزارة كتعتابر هاد الشي مكسب ايلى كان بصاح. وذكر ل”كود” انه كاينين جوج حوايج: المنتوج اللي مشري فالمغرب والمنتوج اللي مصنوع فالمغرب٬ مشيرا ان الوزارة غادية تراقب هاد الشي وتعرفو