عاجل.. الحكم بالإعدام على اللي اغتصب حنان وقتلها

غرفة الجنايات الابتدائية بمحكمة الاستئناف بالرباط حكمات على المتهم الرئيسي فقضية اغتصاب “حنان” بقرعة دالزاج وتعذيبها حتى للموت بالإعدام.
هذشي وحكمات المحكمة على شريك المتهم الرئيسي فالجريمة ب20 عام ديال الحبس، وحكمات على المتورطين لوخرين ب5 سنوات ديال لحبس لكل واحد فيهم.
وكانو فالصيف اللي فات، مجموعة من “الوحوش الآدمية” اغتصبوا حنان، اللي كتنتمي لحي الملاح بالمدينة القديمة فالرباط، بقرعة ديال الزاج، الشي لي خلاها تتصاب بجروح بليغة تفارق على إثرها الحياة.
المدانين صوروا الجريمة ديالهم عن طريق فيديو تناقلوه على مواقع التواصل الاجتماعي وتطبيق “واتساب”، واللي كان كيوثق للتعذيب اللي تعرضات ليه حنان، فواحد المشهد بشع ويدمي القلب.