ها بشحال تحكم على بانضي نصب على بنات بغاو يخدمو مضيفات فدول البترو دولار

علمت “كود”، أن الغرفة الجنحية بالمحكمة الابتدائية الزجرية بالبيضاء حكمات مؤخرا على متهم من اجل النصب والاحتيال بعامين ديال الحبس بعد ما دراها بعدد من الشابات اللي كانو باغين يخدمو في دول الخليج.
المتهم تشد من طرف الفرقة الجنائية الولائية بعد أبحاث فرشات كيفاش كان كيقدم راسو وكيل شركة خليجية وكيقلب على مضيفات استقبال. الضحايا ثيقوه وصيفطو ليه وثائق وصور ومصاريف إعداد ملفات الترشيح للوظيفة. ومن بعد ضربها بغبرة..