شفارة مداويخ گريساو امراة ففلوسها وذهبها وبغاو يغتصبوها والجدارمية جابوهم فساعتهم

علمت گود ان ثلاثة شفارة مداويخ جابو الربحة الجدارمية طيحوهم فيساع، ومعطلوهمش.
هاذ الشفارة كريساو امراة متزوجة حضرات لعرس عائلي ضواحي سطات وبالليل رجعات كانت راجعة لدارها.
ومصادر افادت ل كود انه فالطريق وقفات عليها طونوبيل وخرجو منها 3 ديال الشفارة اللي كريساوها في فلوسها وذهبها، وبغاو يغتصبوها.
واضافت ذات المصادر ان الجدارمية جابوهم في ساعتهم، مع المجرمين طلعو مداويخ بعدما ما كانو شابعين شراب وعيطو على بعضياتهم بالسميات ديالهم قدام الضحية.