رونو الجدارمية والبوليس..رأس السنة ينهي نشاط عصابة تعدات على عباد الله بكازا

علمت "كود" أن المصالح الأمنية لدائرة أمن كاليفورنيا بالدار البيضاء، ستحيل على النيابة العامة باستئنافية المدينة غدا الإثنين عصابة إجرامية متخصصة في السرقة.
شكايات عديدة مابين الجدارمية والبوليس، كان آخرها حادثة سرقة واعتداء خطير على ابن تاجر بالدار البيضاء داو ليهم فلوسو وشرملوه بالسيوف. توالي الشكايات خلات الأمن ديال عين الشق والدرك ديال النواصر كيقلبو على العصابة دون جدوى.
وماشي غير الضحايا من الأفراد، العصابة التي يقودها المدعو "الروبيو" سرقات عشرات الشقق والفيلات بمنطقة كاليفورنيا، وأي شخص يتم سرقته يتعرض لضربات خطيرة بالسيوف، وكيخليو في حالة خطيرة.
ليلة رأس السنة، إخبارية فرشات "الروبيو" وصحابو وهوما كيوجدو ينشطو، وقرقبو عليهم بوليس كاليفورنيا هازين الشراب والحشيش وسيوف.