الممثل المغربي أسعد بواب مشارك فمسلسل “المسيح” ديال نيتفليكس لي منوضين عليه المسلمين قربالة -فيديو

منصة “نتلفيكس” بدات في عرض حلقات مسلسل ” The messiah – المسيح” لي نايضين انتقادات كبيرة ودار بزاف الجدل في العالم، والمسلمين بغاو يمنعوه كاع.
المسلسل كيعاود قصة شخص كيقدم راسو بانه “المسيح” وحير المخابرات الميريكانية لي معرفاتش شكون هو، وهو كيقول أنه مبعوث من عند الله وجا يوصل رسالتو.
الترايلر ديالو حقق 12 مليون مشاهدة في اليوتوب ومثل فيها المغربي أسعد البواب إلى جانب الممثلة الأمريكية ميشيل موناگان.
المسلسل فيه 10 الحلقات وتم عرضهم كاملين دقة وحدة، كيف كدير نيتفليكس ديما. وهذا غير الموسم الأول، وغالبا غادي يكونو مواسم اخرى.