بالصورة. وهبي دار يدو فيد لمحارشي لي كان كيقول عليه خرج على البام باش ياخذ الأمانة العامة للحزب بزز

عبد اللطيف وهبي أحد قادة تيار المستقبل اللي كان كيقول أن بنشماش والعربي المحرشي هوما لي خرجو على الحزب، دابا تبدل الخطاب ديالو حسب مصادر “كود”.
المحامي اللي باغي ياخذ الأمانة العامة للحزب بأي ثمن، وذلك من بعد ما فقد دعم قادة التيار في سباقه للامانةالعامة، ناض دار يدو فيد المحرشي هادشي لي خلا بزاف يتقلقو منو ويتساءلو كيفاش كان كيروج لخطاب أن المحرشي وبنشماش هوما لي كيضيعو البام، ودابا باغي يدير يدو فيدهوم.
وهبي مشى كيفرق واحد الدعوة على المكتب السياسي دالبام فواتساب، كيقوليهم نديرو لقاء فداري مع العربي المحارشي باش نتصالحوا، هادشي لي خلا الجميع يكعى عليه.
معطى آخر جعل البرلمانيين ديال البام يغضبون من وهبي الذي عقد لقاء معهم، وهو قوله أن البام عليه الاشتغال على 25 برلماني فقط لا أكثر، بمعنى تراجع الحزب من 102. برلماني إلى 25 برلماني فقط، بمعنى آخر كيقول للبرلمانيين يلا بغيتو تترشحو غير سيرو لحزب آخر راه حنا خاصنا غير 25!.
وزاد مصدر “كود”، الأهم عند وهبي هو أن يصير أمينا عاما، لا يهمه إن كان في ذلك نهاية لحزب البام، الأهم هو يكون أمين عام.