إسماعيل العلوي كيبيع دارو فسلا لوزارة الداخلية وطالب تقرقيبة صحيحة

إسماعيل العلوي امين عام حزب التقدم والاشتراكية السابق والوزير التقدمي، قرر يبيع دارو اللي فسلا لوزارة الداخلية.
إسماعيل العلوي رفض هاذي خمس سنين عرض من وزارة الداخلية باش يبيع ليهم هاذ
الدار ودابا وافق، وعلا ما سمعت كود طالب تقرقيبة صحيحة فايتة المليار.
المعلومات اللي عند كود هي ان البيعة وشرية تقريبا تم الاتفاق على تفاصليها بالكامل.
الدار اللي كبيرة ومبنية فالحي الفرنسي فبطانة، تتمتع بمساحة كبيرة وبتصميم عندسي رائع وعمارة مميزة فيها بصمان الابداع المغربي كالزليح البلدي والجبص والنجارة. هاذ الداركانت هي المقر الرسمي لعمال سلا حيث الداخلية كانت كارية من عندو الدار.
الديفو اللي فهاذ الدار هو مفيهاش الواد الحار وفيها غي ” ليفوس أوبتيك”.