كليب “يخليك ليلي” ديال سعد المجرد لقى انتقادات كبيرة.. المشاهدات كاينين ولكن الإعجاب ناقص

المغني سعد لمجرد خرج أغنية جديدة سميتها “يخليك ليلي” لي ضربات 6 مليون ونص مشاهدة في نهار واحد. لكن العمل ككل ماعبجش المعجبين ديالو في المغرب وحتى خارجه.
هاد النقص في الاعجاب جا من بعد النجاح الكبير لي حقق بأغنيتو هو والفنان المصري محمد رمضان “انساي” ولي حطمو بيها ارقام قياسية في المشاهدات وحتى التفاعل معها كان كبير بزاف.
هاد العمل مكانش فيه شي جديد مميز حسب المعلقين، نفس الشطيح نفس الستيل الموسيقي ونفس الخدمة.
وبان أن سعد طاح فالنمطية خصوصا أنه كيتعامل مع نفس الملحن لي هو جلال الحمداوي ونفس الفريق وهادشي كيخلي نفس الستيل ديال الأغاني يتكرر.