الجريمة والكلاخ.. بزناس جا من كازا لفاس باش يقاد شهادة السكنى ونسا راسو روشيرشي

تاجر مخدرات اعتاقلوه بوليس الدائرة الأمنية الرصيف التابعة للنفوذ الترابي للمنطقة الأمنية الأولى فاس المدينة. ففي تفاصيل هاد العملية تقدم إلى الدائرة الأمنية المذكورة شخص باش ياخد شاهدة السكنى لتجديد بطاقته الوطنية.
وحسب مصادر “كود”، فإنه بعد تنقيط المعني تبين أنه مبحوث عنه على الصعيد الوطني من قبل بوليس كازا في قضايا تتعلق بالاتجار في المخدرات، قبل أن يتم إبلاغ النيابة العامة المختصة، التي أمرت بوضعه تحت تدبير الحراسة النظرية، قبل يتم تسليمه إلى مصالح الشرطة بمدينة الدار البيضاء.
يشار إلى أن والد الموقوف حيح على البوليسي اللي طبقو غير القانون، وقاليهوم معندكومش الحق تشدو ليا ولدي، زاعما أنه صحفي وجمعوي، علما أن السيد ماعندو لا محل تجاري لا بطاقة مهنية ديال المجلس الوطني للصحافة، ينتحل جوج صفات والمسؤولين ديال فاس عارفين هادشي وكيهضرو معاه، وحتى يلا كان صحفي او جمعوي راه القانون يسري على الجميع.