مشرملين نوضو الرُّعب ف شوارع فاس والبوليس طاردهوم وسلات العملية بكسيدة

omarelmouzaine@gmail.com
مطاردة بوليسية سلات مساء أمس الأحد بالشوارع الرئيسية ديال مدينة فاس سلات بكسيدة غير بعيد عن “ماكدونالدز” ومن أحد الفنادق. وحسب مصادر من مكان الحادث، ل”كود”، فإن عملية المطاردة لتوقيف جوج مشرملين كان فحالة غير طبيعية داروها بوليس كانوا على مثن دراجة من نوع “كواض”، وسلات بكسيدة وحجز شي قنينات ديال الشراب.
وحسب مصادر “كود”، فإن واحد جوج مشرملين يشتبه أنهم نفذوا عمليات سرقة فعدد من الأحياء ديال المدينة كانت دورية ديال البوليس تابعاهوم لكن رفضوا يوقفو، قبل أن تنطلق العملية ديال المطاردة وسلات بتوقيف داك المشرملين بعد انقلاب الدراجة النارية السريعة لي كانو على مثنها على واحد الطنوبيل كانت جاية ف الاتجاه المعاكس.
كما أصيب فهاد التدخل البوليسي أحد العناصر الأمنية بجروح طفيفة. الحادث استنفر البوليس ودفع بالشاف ديال “لابيجي” يجي لمكان الحادث، بعدما واكب وتبع بنفسه التفاصيل ديال العملية على مثن الجهاز ديالو “تلكي ولكي” وطلب من البوليس توفير الحماية لداك الأشخاص تفاديا لتعريضهم لشي اعتداء أو ما شبه ذلك.