وكيل الملك بفاس هبّط داك “لانسبيكتور” المرتشي للحبس وها باش تابعو

وكيل الملك بالمحكمة الابتدائية بفاس هبط داك لانسبكتور المرتشي للحبس, هادشي ما قالت مصادر “كود” واللّي كشفات على أن ممثل النيابة العامة تابع هاد المفتش شرطة بتهمة “الارتشاء واستغلال النفوذ”.
وحسب المصادر نفسها، ل”كود”، فإن المحكمة الابتدائية بالمدينة حددت جلسة 31 أكتوبر الجاري كموعد الانطلاق المحاكمة ديال هاد البوليس اللي كان خدام فالدائرة الأمنية 15 التابعة للنفوذ الترابي ديال المنطقة الأمنية الرابعة بنسودة.
يشار إلى أن الفرقة الجهوية ديال الشرطة القضائية بفاس كانت حصلات هاد البوليسي متلبس بحيازة 1000 درهم كرشوة من أحد المواطنين اللي بلغ عليه فالخط المباشر اللي وضعاتو رئاسة النيابة العامة للتبليغ على الفساد والرشوة. الضحية كان اتهم البوليسي بالابتزاز مقابل يصوب ليه محضر فقضية كتعلق بسوء الجوار.