ولايني مسخوط هذا.. المغني المصري حكيم كيتاجر بمشاعر جمهورو واختارع كسيدة عمرها وقعات

المغني الشعبي المصري حكيم مات ليه الحوت وباش يدير شوية ديال البوز ناض قال أنه تعرض لحادثة سير وهادشي طبعا جبدو غير من راسو باش يلفت الانتباه.
نقابة الموسيقيين في مصر وجهات ليه انتقادات لاذعة ونقلات عن المتحدث الرسمي ديالها أنه اختلق الكسيدة من راسو.
وقال طارق المرتضى المتحدث الرسمي “تعجبنا لهادشي لي وقع. هاد اليوماين فقنا على أنه دار كسيدة خيبة لكن المخرج كذبو وقال ان واحد حداه في الطريق هو لي دارها وماشي هو”.
في نفس النهار يضيف المتحدث عيطو لمديرة الاعمال ديالو لي أكدات أنه بيخير وعلى خير، لكن المغني حط فيديو داير بانضة في يدو وطلب من الجمهور يدعيو معاه.