أفينك آحاتم عمور. دوزي طيح “ايكشوان ايكنوان” من الرتبة الأولى -فيديو

لي عندو جمهور حقيقي كاعما كيخاف من البوز يطيحو ويدكَدكو كيفما وقع مع حاتم عمور.
الأغنية الجديدة ديال دوزي بعنوان “باختصار” شادة راس سوق في الفيديوهات الأكثر مشاهدة في اليوتوب المغربي.
وبلغة الأرقام الأغنية ضربات علاين 2 مليون ديال المشاهدات في 3 أيام وشدات البلاصة الأولى واخة جات فعز البور لي داير اكشوان ايكنوان بالعرس ديالو.
وعلاش جبدنا حاتم عمور، حيت مطولاتش عندو الفرحة باغنية “آخر مرة”، وكان جا مع البوز ديال اكشوان والأغنية طارت من الطوندوش وكتب في السطوري “طيرنا البوز”.