الجداردمية تصنطو لفقيه الجامع اللي محط بوحشية دري صغير فتاغازوت. الناشط الجمعوي رضى الطاوجني اللي صور الفيديو ل”كود”: راني قطعت الكاميرا وعائلاتهم قالو لي : خليه يزيدهم باش يطلعو رجال

https://web.facebook.com/goudmag/videos/472521990020741/
علمت “كود” ان جدارمية تاغازوت تصنطو للفقيه الدموي المتخلف اللي بان ففيديو اليوم كيسلخ الدراري الصغار بمشحاط. الفيديو صورو الناشط الجمعوي رضى الطاوجني. هاد الاخير قال ل”كود” “كنت فتاغازوت كنصور اليوم مع لحداش الصباح وشوية سمعت الصداع وانا ندير الفيديو”.
الطاوجني اوضح ل”كود” انو ما دوزتش كلشي باللي كان عنف كبير “شفتو من الفوق كيضرب ضرب عنيف الدراري الصغار. هبطت عندو. سمعت القرآن فجهة والبكا فجهة اخرى”
هاد الشي كان عنيف بزاف وباش مشى كيدق فالبال٬ يشرح الطاوجني ل”كود”٬ ما بغاش يفتح ليه.
صدمة اخرى كانت قوية بزاف غادي يعيشها الطاوجني ووصفها ل”كود” “باش سولت الناس اللي حدا الجامع. قالو لي راهم فخبارهم الضرب. اللي صدمني اكثر هو شي وحدين باش قلت ليهم: راه ولادكم كياكلو لعصا٬ ردو علي: خليه يزيدهم باش يطلعو رجال” يشرح الطاوجني.
يعني هاد الاباء اكثر تخلف من هاد لفقيه. كيعتاقدو ان العنف كيطلع الرجالة. تفو مع من عايشين