جدارمية الدروة جبدو لفرادة على عصابة ديال لحشيش وطيحو “ولد الريفي”

علمت “كود” أن الرئيس ديال المركز الترابي “الدروة” ببرشيد، وجد نفسه مضطرا أمس الأحد باش يطلق جوج قرطاسات من الفردي ديالو على عصابة كتروّج المخدرات، وحاولت باش تختطف شي شريك لها بدوار أولاد بن عمر بجماعة أولاد زيان.
ووفق ما كشفت عنه مصادر “كود”، فإن هاد التدخل ديال الجدارمية جاء بعدما أخبرهم القائد ديال أولاد زيان ببرشيد بواقعة محاولة الاختطاف باستعمال سيارة رباعية الدفع وشي جناوة، حيث تمكنو الجدارمية من اعتقال أربعة أشخاص.
داك الأشخاص، حسب مصادر “كود”، تبين أنهم صيد ثمين، خصوصا أن زعيمهم المدعو “ولد الريفي” مبحوث عليه بأزيد من 52 مذكرة بحث، وكان كيبيع الممنوعات بالجملة ف المطرح ديال النفايات لمديونة، ودبا حجزو الجدارمية فهاد العملية أقنعة وصفائح مزوّة وسيارة مسروقة وجناوة.