وكلشي غريب فليلة الرعب فكلميم. اللي طلع مول الفعلة مليونير ولد المتقاعد وفاخر ايامو كان موسوس بزاف وها صورتو وهدرة على وفاة ضحية وحالة البوليسي مزيانة= صورة المتهم وصور جديدة مع فيديوات

علمت “كود” ان مول الفعلة ديال ضريب القرطاس واللي صاب 11 شخص هاد الليلة فكلميم بحي لكويرة وشدو البوليس قبل قليل٬ ماشي متقاعد كان فهولندا بل ولدو. المصدر اكد ل”كود” ان حالة الولد فالايام الاخيرة كانت صعيبة “كان موسوس بزاف. كان باغي يتزوج وما بقى يثيق فحد. لدرجة ولى كياكل بوحدو. يعني الثقة فالعائلة ما بقاتش” يشرح مصدر “كود”.
وتحدثت اخبار عن وفاة سيدة كانت من ضحايا هاد الشخص الليلة. غير ان تأكيد الخبر مازال ما كاينش. اصابتها خطيرة جدا يشرج مصدر “كود” وهي تتواجد بالمستشفى العسكري بكلميم لكن امر وفاتها خاصو تأكيد رسمي دابا.
وفي علاقة بالموضوع٬ قال مصدر ل”كود” ان حالة عميد الشرطة مزيانة دابا وان اصابتو كانت بسيطة