عائلة حكيمي مشاو عند الدري مول تيشورت من الخنشة.. وأشرف غادي يمشي عندو ملي يدخل للمغرب

لاعب المنتخب المغربي أشرف حكيمي دار فيديو وجهو للطفل الصفريوي لي دار ضجة في الانترنت وهو لابس خنشة صفرة مكتوب فيها “حكيمب”.
أشرف شكرو بزاف وقال ليه غادي يمشي يشوفو ملي يدخل للمغرب، وهادشي جا من بعد ما مشات عائلة حكيمي شافوه وقدمو ليه مساعدات مالية حيت العائلة مفحالهومش.
الدري الصغير عندو مشاكل فالنطق، وباه فيه السرطان، وزيارة عائلة حكيمي ليه فرحاتو، ولبس التيشورط ديال المنتخب، وبان فرحان.