نمرة جديدة

هادا واحد الراجل كان ڭالس ف طوبيس عامر ومغمض عينيه.
جا عندو واحد السيد وسولو: خويا مالك ياكما مريض؟
قال ليه لاخور: لا، غير ما كنحملش نشوف عيالات شارفات واقفين ف الطوبيس
هادو جوج دراري كانوا مدابزين ف القسم.
جا الأستاد لقاهم ف ديك الحالة وسولهم: مالكم على هاد الصداع؟
قالوا ليه: لقينا 100 درهم، واتفقنا اللي قال أكبر كدبة ياخدها.
قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.
وهوما نيت يعطيوه دوك الدراري 100 درهم
هادا واحد الطبيب غادي لاجتماع ديال الأطباء، وكتب دغية ف الليل داكشي اللي غادي يقول ف ورقة.
الغد ليه، ملي طلع للمنصة يهدر، ما قدرش يقرا داكشي اللي كتبو ف الليل. عيا ما يشوف، ما فهم والو ف الكتبة ديالو.
وهو يسول الحاضرين: الله يخليكم كاين معانا شي صيدلي ف القاعة؟
تغيب على المدرسة
هادا واحد الولد ما مشاش للمدرسة. كان جدو كيطل من الشرجم، وبان ليه المعلم جاي لعندهوم للدار، وهو يمشي يجري عند الدري قال
ليه: تخبى تخبى، المعلم جا يسول عليك.
وهو يقول ليه الدري: وا تخبى نتا أجدي، راه قلت ليه جدي مات وجا يعزينا فيك.
نمرة جديدة
واحد المرا بدلات النمرة د التيليفون، وبغات تفاجئ راجلها.
مشات للكوزينة، وعيطات ليه، قالت ليه: ألو يا عمري.
قال ليها: عيطي من بعد، راه البڭرة ف الكوزينة.