نسا الهمّ ينساك

عبقرية الفقراء


الولد: بابا بغيت ناخد كيري
الأب: والله ماتاخد غير بنت عمك طامو
الولد: بابا راه كيري فرماج
الأب: حتى طامو راها زبدة
أش كتعرفو فالزين

----------------------------------------------------------------

واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها.

----------------------------------------------------------------

قررت شرطة المرور أن تكافئ كل واحد داير حزام السلامة
لقاو واحد مبوق سايق طوموبيلتو وداير الحزام، وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي

--------------------------------------------------------------------

واحد كذاب بززززاف قال لواحد صاحبو:

أنا خلاقيت ملي كان قوس قزح بيض وكحل !!

وهو يرد عليه صاحبو حتى هو طيارة في الكدوب قال له:

انا تزاديت فاش كان البحر الميت باقي مريض فالسبيطار.


-----------------------------------------------------------------


هادا واحد غليييييييض بزاف تلاقا مع واحد رقيييييييق بزاف
قال ليه: يا خويا اللي شافك يقول عايش ف بلاد فيها مجاعة
قال ليه الرقيق: واللي شافك يعرف شكون دار هاد المجاعة

--------------------------------------------------------------------------

سولوا واحد المبوق: أشنو الفرق بين الشتا والصيف؟
قال ليهم: نقطة
قالوا ليه: كيفاش؟
قال ليهم: الصيف عرق، والشتا غرق
---------------------------------------------------------------------------

أستاد د الفرنسية سول واحد التلميد ديالو: كيفاش كنقولو الصراحة راحة بالفرنسية؟
قال ليه التلميد La vérité rité