كود” جابت الهوية ديال الدواعش اللّي ذبحو جوج سائحات ضواحي الحوز.. ها فين ساكنين وها فاش كيخدمو

حصلت “كود” على الهوية ديال داك الدواعش اللّي ذحبو سائحتين من جنسية دنماركية ونرويجية بمنطقة “شمهاروش” ضواحي إقليم الحوز، وكولهوم كيخدمو فمهن بسيطة، ودبا مشدود غير واحد فيهم وكاين تعبئة أمنية كبيرة باش يتشدو المتهمين الآخرين اللي تعرفو بطبيعة الحال.
ووفق ما كشفت عنه مصادر مقربة من التحقيق، ل”كود”، فإن الأمر يتعلق ب “ع.أ” وهو من مواليد 1993 وكيسكن ف درب زروال بعاصمة النخيل مراكش، و”أ.ي” وكيخدم نجار من مواليد 1991 وكيقطن فالعزوزية بمراكش، بالإضافة إلى المتهم الثالث “ر.أ” اللي كيدير التجارة وحتى هو كيسكن ف مراكش بمنطقة (حربيل) ومن الواليد ديال 1986.