عشرين عام ديال الحبس فحق الخياطة اللّي قتلات العشيق ديالها

أسدلت غرفة الجنايات الابتدائية بمحكمة الاستئناف بمدينة فاس، اليوم الثلاثاء، الستار على القضية اللي هزات العاصمة العلمية ديال جريمة قتل شاب على يد عشيقته، بعدما وجهت ليه طعنات قاتلة بحي شعبي بمقاطعة جنان الورد.
وعلمت “كود”، أن غرفة الجنايات الابتدائية بفاس، أدانت هاد المتهمة بعشرين عام ديال الحبس بعد متابعتها بتهمة “القتل العمد مع سبق الإصرار والترصد”.
و تم نقلها بعد الحكم عليها فحالة صحية حرجة إلى مستشفى إبن الحسن للأمراض العقلية، بعدما أغمي عليها نتيجة سماعها الحكم الصادر في حقها.
وحسب مصادر موثوقة، ل”كود”، فإن هاد السيدة سخفات مباشرة بعد سماعها الحكم الصادر في حقها سيما أنها كتعاني من ظروف اجتماعية خايبة وكانت هي اللّي خدامة على العائلة ديالها.
يشار إلى أن هذه الأخيرة كانت قد اتهمت عشيقها باغتصابها والتخلي عنها، وعدم تجاوب عناصر الشرطة مع شكاياتها، وهي التصريحات التي نفتها ولاية أمن فاس في وقت سابق جملة وتفصيلاً.