احتجاجات التلاميذ: بوليس فاس اعتقل جوج والأطر التربوية كتطالب بالأمن

الدولة تحزمات بزايد للاحتحاج اللّي دايرين التلاميذ فعدد من المدن المغربية على الإبقاء على الساعة الصيفية طيلة السنة. وحسب مصادر “كود”، فإن المصلحة الولائية للشرطة القضائية بفاس، أحالت أمس الأحد، جوج تلاميذ على النيابة العامة بالمحكمة الابتدائية.
هاد جوج تلاميذ، حسب المصادر نفسها، ل”كود”، كانو تشدو على الخلفية ديال الأحداث التي شهدتها الثانوية الإعدادية حمان الفطواكي بحي المرجة يوم الجمعة الماضي، بعدما عرضا سيارات ديال الأطر التربوية للتخريب. وماشي غير هادشي هاد الأحداث تسبب فالإصابة ديال شي تلاميذ وحتى حارس أمن خاص.
وحسب مصادر تربوية، فإن هاد الأحداث الخايبة دفعت الأطر التربوية للاحتجاج والتصعيد. وقالت على أن هادشي اللي وقع فالمؤسسة خلف حالة من الرعب النفسي إضافة إلى خسائر مادية في ممتلكات المؤسسة والسيارات الأطر العاملة بها. كما طالبوا بتوفير الأمن بالمحيط ديال المدرسة.