عاجل.. “كسيدة” خايبة قتلات 5 من مشجعي اتحاد طنجة وجُوجْ آخرين حالتهوم خايبة وها فين

علمت “كود”، أن كسيدة خايبة وقعات صباح اليوم الإثنين، على مستوى الطريق السيار بين طنجة والعرائش. هاد لكسيدة تسببت فمصرع خسمة من مشجعي فريق اتحاد طنجة بعد انقلاب واحد الطونوبيل كانت هازاهوم.
وحسب مصادر “كود”، فإن هاد الحادث المميت تسبب ايضا فالإصابة ديال جوج مشجعين آخرين، وصفت مصادرنا حالتهم ب”الخايبة”، حيث نقلا على وجه السرعة إلى مسشتفى لالة مريم لتلقي العلاجات الضرورية، في الوقت الذي فتح فيه تحقيق لتحديد ملابسات هاد الفاجعة.
يشار إلى أن هاد الضحايا كانو راجعين بحالهوم لعاصمة البوغاز بعدما تابعوا المباراة اللّي جمعات حسنية أكادير واتحاد طنجة على أرضية عاصمة سوس.