حرب الطرق فرمضان. ماتو جوج موظفات فكسيدة بين مراكش وأسفي

عرفات الطريق الرابطة ما بين مراكش وأسفي، لبارح بالعشي ، كسيدة خايبة بزاف، ماتو فيها جوج موظفات من مدينة أسفي، على اثر انقلاب الطونوبيل فاش كانو راكبين، بحيث ماتت وحدة فيهم بعين المكان، وتبعاتها الأخرى فمستشفى “محمد الخامس” بأسفي.
وفتفاصيل الحادث المؤلم، والي وقع فجماعة “ثلاث بوكدرة”، تقلبات الطونوبيل بعدما فقدات موظفة بقسم التعمير بعمالة أسفي ، سيطرتها على السيارة وهي راجعة بمعية سيدة أخرى، خدامة موظفة بالوكالة الحضرية لأسفي، بعدما قضاو مجموعة من الأغراض الإدارية فمراكش، ووقعات الكارثة .