حرب الطرق. 5 ديال القتلى فحادثة حدا المدرسة الوطنية للتجارة والتسيير فطنجة

إرتافعات حصيلة قتلى حادث السير ، الي وقع ليلة الإثنين الثلاتاء بشارع “مولاي رشيد”، حدا المدرسة الوطنية للتجارة والتسيير فطنجة ، لخمسة ديال القتلى بعدما مات ضحية خامس تاني هاد الصباح .
والكسيدة وقعات نتيجة إصطدام عنيف، بين سيارة خفيفة كانت هازة ربعة ديال الركاب وطاكسي صغير كان هاز جوج ديال الناس والسائق ، و كانت الحصيلة فالأول ، مصرع جوج من ركاب السيارة الخفيفة وواحد الشخص كان كيعبر الطريق ، وتم نقل 6 ديال الأشخاص لقسم المستعجلات وحالة البعض خطيرة جدا .
وهاد الجرحى لي حالتهم خطيرة قالت مصادر ل”كود” أنه مات واحد لعشية ديال نهار الثلاثاء، بعد معاناة من الإصابات، وتزاد على الضحايا الربعة، وهو سائق السيارة الخفيفة .