المديرية ديال البوليس كترد على اتهامات “سامي راي” وخوه: نتا اللّي شبعتي سبان فبوليس فاس وعندنا الدليل

المديرية العامة ديال البوليس كاعية على الاتهامات اللي وجهها الفنان “سامي راي” لعناصر أمنية كتخدم فالعاصمة العلمية فاس، بعدما أوقفته مع خوه بحي الأطلس وسط المدينة بتاريخ 14 نونبر الجاري.
المديرية قالت عندهوم فيديو ديالو كيسب ومحيح على عناصر امنية .
وأوضحت المديرية تفاصيل الحادث وقالت أن دورية ديال الدراجين كانت تدخلات للتحقيق من طبيعة واحد الخلاف اللي بدا بين هاد المغني وشقيقه من جهة، وشيفور ديال طاكسي من جهة ثانية، بسبب شي خلاف مروري تطور إلى تبادل السبان.
المديرية أكدت على أنه أثناء محاولة البوليس فض هاد الخلاف، ناض هاد المغني مع خوه كيسبوهم، مما استدعى عرضهما على أنظار دائرة الشرطة التي تشرف على المداومة، قبل أن تأمر النيابة العامة بالوضع ديالهوم فالحراسة النظرية.
ماشي غير هادشي المديرية أكدات على أن النيابة العامة أمرات باش تديرهوم فالحراسة حقاش كاين مقطع فيديو فيه توجيه عبارات نابية فحق البوليس، فضلا عن إفادة شاهدين حضرا أطوار الواقعة، وأكدا حتى هوما أن هاد المغني وخوه سبو البوليس.