انفراد. وعباد الله راه فضيحة حقوقية فالمغرب يا الرميد. حمزة مول الفيراري خرجوه من الكلينيك وبوراقو ومازال من البارح فالحراسة النظرية وشدو حتى خوه

علمت "كود" من مصادر عائلية ان حمزة مول الفيراري اللي ناض الصداع على الفيديو اللي تنشر٬ شدوه البارح وخرجوه من كلينيك. مصدر "كود" قال ان هذا الشاب اعتقل ومازال فالحراسة النظرية من البارح واخا امو قدمات ليهم شهادة طبية على حالتو الطبية
مصدر "كود" اكد ان الاعتقال شمل حتى اخوه عبد الله.
دابا علاش هاد الاعتقال واش مبررو. علاش خوه ولا الولد مادام كلشي دار فمحضر. الفيديو ما عندو قيمة امام محضر دارو البوليس. يا عباد الله راه خرق للقانون وبزاف بزاف وفضيحة حقوقية هاد الشي اللي كيدار. ما يمكنش يتصلح خطأ بفضيحة حقوقية ما كاينة حتى فشي بلاد