النقيب زيان ل”كود”: كيفاش غادي يتعدى الصحفي بوعشرين على المحامي زهراش وهو فقلب قفص الاتهام وها شنو وقع

أكد النقيب محمد زيان، عضو هيئة دفاع الصحفي توفيق بوعشرين، مؤسس يومية “أخبار اليوم”، في تصريح ل”كود”، أن المحامي ديال المشتكيات عبد الفتاح زهراش هو من اعتدى على موكله الصحفي بوعشرين أمس الإثنين بمحكمة الاستنئاف بالبيضاء.
وأضاف النقيب زيان، في تصريح ل”كود”، متسائلاً: “بوعشرين كان فقلب قفص الاتهام وكيفاش غادي يخرج منو وغادي يمشي يضرب داك المحامي. ودبا الحقيقة راه هي أن زهراش هو اللّي مشا عند بوعشرين لقفص الاتهام وتعدى عليه”.
وزاد النقيب زيان: “دبا بغينا نعرفو آش جاب داك المحامي يمشي لقفص الاتهام عند بوعشرين واش مشا يعطيه الشكلاط أو يبوسو أو شنو. راه هو اللّي تعدى عليها ظلما وعدوانا وربما داك المحامي متبع منطق التعليمات ومغاديش يكون دارها من راسو زعما ومغاديش يكون دار هاد التصرف حبا في المشتكيات”.