بالفيديو: البيگ دار روميكس ل”هادي هي امريكا” ورجعها “هادا هو المروك”: اغنية على الاحتجاج والمقاطعة: ركبوني فحماري نخوي المغرب والحكومة كتهددنا ويلكم تقاطعوني” والحل عند الفنان: خطاب محمد السادس

البارح 11 ماي 2019 طلق الرابور البيگ روميكس للاغنية اللي محيحة فمريكان على العنصرية واسمها “هادي هي ميريكان” ديال المغني تشيلدير گامبينو واللي دارها على العنصرية ضد السود فهاد لوقيتة.
البيگ رجعها على اللي واقع. ماشي الحگرة ولكن الاحتجاج والحق فالاحتجاج. بداها بنص حكم كان صدراتو محكمة النقض ف2012 كيقول باللي “الاحتجاج قول غير مجرد. والتحريض عليه لا يشكل جرما” =شوفو وثيقة محكمة النقض فهاد المقال.
البيگ حدد هاد الروميكس. المغني فهاد الاغنية اللي جات فهاد القضية ديال المقاطعة “باغي يخوي المغرب” و”يگلس فالدار” وماشي مشكل يركبوه فحمارو كاع. المهم يخوي. طبعا من بعد كيشرح علاش هاد القرار. حقاش هادا هو “المروك”. اللي لگى يحلب منا وللي عطى يعطي لامنا وللي جا يحلب منا واللي جا يسگي منا وكلشي باغي يربينا ويسلب منا”.
المقاطعة حاضرة ماشي غير فهاد الشي بل “الحكومة اللي كتهددنا” تكلم على الحرية اللي ناقصة والماكية اللي معگورة والتسابق على كرسي البرلمان. حتى تهديد الحكومة للمقاطعين حاضر “ويكلم تقاطعونا”.
البيگ ياخد موقف واضح فاخر الاغنية. دار خطاب الملك محمد السادس فالعام اللي فات اللي تلكم فيه عن جدوى الانتخابات …. اذا كان الشعب في واد والشعب وهمومه في واد اخر.
الطريقة اللي دار بيها الروميكس كيتبين كلشي. البيك كيقول ليكم كلشي فالمروك والملك هو الحل. الملك كيدير كلشي. هو اللي مع الشعب. مشاكل المغرب كتحملها غير الحكومة وصافي. ايلى كنتي فالبام ولا الاتحاد الدستوري غادي تكون مع هاد الفكرة ولا كنتي فاليسار الموحد غادي طالب بملكية برلمانية وبديموقراطية اكثر.
الاغنية كون عاودها موبيديك كانت غادية تكون احسن واجمل. حرش فهدرتو. قاصح فكلامو. ما عمرو خدا وسام ولا شي حاجة باش يدر البال.
ها الاغنية الاصل