التوقيع على مشروع استثماري كبير بطنجة لعملاق صيني بالقصر الملكي: الياس فالصف الثالث ولفتيت ما مسوقش ليه وتحاشاه

علمت "كود" انه خلال "تقديم مشروع إنجاز المجموعة الصينية "بي. واي. دي أوتو إنداستري" لمنظومة صناعية للنقل الكهربائي بالمغرب، وتوقيع بروتوكول الاتفاقية المتعلقة" بالقصر الملكي بالبيضاء بحضور رئيس المجموعة بركو الياس العماري رئىس جهة طنجة تطوان الحسيمة فالصف الثالث. هاد شي واخا المشروع غادي يكون فالجهة اللي كيرأسها. وقال مصدر "كود" انه فوجيء بهاد الاختيار فالجلوس اللي داروه لالياس العماري٬ معتبرا ان ذلك رسالة عندها معنى. اكثر من ذلك فقد تحاشى وزير الداخلية عبد الوافي لفتيت اللي كيحسبوه عليه٬ اللقاء به. مشى بغى يسلم عليه ويهدر معاه بعد نهاية النشاط الملكي بالقصر وتنتر منو وزاد فحالو.
دابا مع بنكيران صفاوها ليه صحابو ومع اللي وقع ليه فالقصر البارح يمكن بداية جديدة للتخلص منو. غير هو فالسابق كانت مؤشرات وكلشي تقلب باش حضر الهمة لعرس ولدو