حسبان نجح في المعركة ديالو مع البرمجة وأجل الماتش رسميا ديال الفتح والرجاء

نجح سعيد حسبان، الرئيس ديال الرجاء الرياضي في تأجيل المباراة ديال الفريق ديالو مع الفتح الرباكي، برسم إياب ثمن نهائي كأس العرش، بحيث ضغط مزيان على لجنة البرمجة وهددها بعدم لعب المباراة.
حسبان أصر على أن الماتش اتأجل لأن خمسة اللاعبين غادين اغيبوا على الرجاء، وبقى حتى وافقت لجنة البرمجة على تأجيل الماتش لكان غادي اتلعب نهار الأحد بالرباط.
الماتش تأجل إلى يوم الأربعاء المقبل، وغادي تلعب في ملعب مولاي الحسن في الرباط، علما أن مباراة الذهاب تلعبات حتى هي فالرباط لأن الرجاء مكانش عندها ملعب فين غادي تلعب وداكشي علاش مشات تلعب في الرباط.
المباراة غادي تكون حاسمة في التأهل ديال أحد الفريقين، لأن لربح غادي ادوز خصوصا أن الماتش ديال الذهاب انتهى بصفر لمثله.
وكان غادي اغيب على الرجاء في الماتش كون لاعبوه نهار الأحد بدر بنون، وجواد اليميق، وسامسونغ مبينغي، ومومي، وليما مابيدي، وكلهم غادي العبوا التصفيات ديال كأس العالم 2018.