لعاب في الرجاء كيموت بالجوع صبر حتى عيا وفضح حسبان والمعاملة الخايبة ديالو

كتب سامسونغ مبينغي تدوينة في الصفحة ديالو في الفايسبوك كيفضح فيها المعاملة السيئة ديال حسبان، والجوع لكيعاني منو، بسباب أنه مواخدش فلوسو، وكيتسنى حسبان، اعطيهم ليه.
مبينيغي كتب أنه ميمكن شاكون لاعب مزيان في الرجاء وهو معندوش حتى مياكل، وحسبان ممسوقش ليه، وكا مرة كيدير معاه ميخوي بيه وكيسد عليه التلفون وومسوقش ليه، واخا معاطيهش فلوسو من نهار جا.
مبينغي قال أنه سافر للغابون باش ادوز العطلة ديال الصيف، وملقاش ميعطي لوالديه لأن الرجا معطاوه والو، وكيضيف مبينغي أن الجمهور والمسؤولين كيطلبو من اللاعبين اكونو بروفيسيونال وهما أصلا ماشي بروفيسيونيل، وكيخليوه كيموتو بالجوع.
وقال مبينغي أنه عندو التزامات عائلة كبيرة وباغي اخلص لخوتو ولمرتو المدرسة وملاقيش باش اخلص ليهم وهذا ماشي وضع مزيان في الفرقة.
واللاعب ولا كيتسلف من عند المدرب وصحابو لأنه معندوش مياكل ومعندوش باش اصرف، وملقاش حتى باش اخلص لكرى ديال الدار ديالو.