حسبان جاب جوج ديال المستشهرين للرجاء غادي افقص بيهم المعارضين

تعاقد فريق الرجاء الرياضي مع مستشهرين واحد متخصص في الصباغة والثاني متخصص في الفورماج، باش غادي احمل العلامة التجارية ديالهم في التوني، مقابل غادي اعطيوه فلوس مزيان.
وهاد التعاقد غادي ازيد اتحدى بيهم حسبان المعارضين ديالو لكيقولو أنه من نهار جا للرجا، مدار والو، ومجاب فلوس، وكيخلق غير المشاكل، ولكن التعاقد مع هاد جوج مستشهرين غادي كيأكد أن حسبان مغاديش امشي وغادي ابقى رئيس للرجاء، وخا كيقول أنه مستعد للرحيل إلى المنخرطين لقاو رئيس.
وغادي اعطيو المستشهرين لحسبان فلوس باش على الأقل اتنفس شوية وخلص اللاعبين الناس لخدامين في الرجاء، باش احل ليهم شوية ديال الأزمة لكيمروا منها كثر من سنتين هادي.
ومازال اقدر حسبان اتعاقد مع مستشهرين جداد خصوصا أن الرجاء غادي اشاركو في كأس لاتحاد الإفريقي وغادي تكون مناسبة باش الصورة ديال المستشهرين تبان مزيان وتروج في الدول الافريقية وفي المغرب، خصوصا أن الرجاء عندها جمهور كبير ومتابعة كبيرة من داخل وخارج البلد.