الوداد غادين اسافروا بعد العيد باش ادبروا برا كازا

غادي اسافر فريق الوداد الرياضي لمدينة افران باش اديرو تجمع تدريبي السيمانة لمن بعد العيد، باش ادربوا قبل ما يبدا الدوري الاحترافي لكرة القدم.
وقرر عموتة امشيو لإفران باش اترينيو باش اخلي اكون معسكر مغلق اركزوا في اللاعبين على التداريب، خصوصا من بعد عطلة العيد، لتقدر تأثر على اللياقة البدينة ديال بعض اللاعبين، لغادي اياكلوا اللحم بزاف يوم العيد.
وغادي اكون المعسكر ديال إفران هو آخر معسكر للوداد قبل ما يبدا الدوري الاحترافي، لغادي اكون الوداد مفروض عليه اضارب باش احافظ على اللقب ديالو لفاز بيه العام الماضي.
وكيحاول عموتة ادير معسكرات في كل وقت كيكون خاوي لأنه عارف أن الوداد تابعها بزاف ديال الماتشات هاد العام، وباغين انافسوا على لقب كأس العرش، والبطولة، ومازال لاعبين على العصبة الإفريقية، وحتى الى تقصاو غادي اشاركوا في النسخة المقبلة عوتاني.