واش هذا نوع من التحريض على الانفصال فهاد الظرفية؟. التيجيني قاليك لمغاربة كيتمناو الحاق الناظور وبني انصار وتطوان لإسبانيا "فيديو"

التيجيني لي خدام فضيف الاولى مابقاش باين اشمن اتجاه شاد خصوصا فهاد الظرفية لي عايشها الريف.
السيد قاليك لمغاربة مكيتمناوش ترجع سبتة ومليلية للمغرب، هادي تدوز واخا ماخاصهاش تقال لأنه هضرتي اليوم على سبتة ومليلية غدا تهضر على الصحرا، السيد زاد طبز ليها عينيها وقاليك راه ماشي غير هادشي وانما لمغاربة كيتمناو الحاق حتى الناظور وبني انصار وتطوان لاسبانيا!.
السيد جاب هضرة الشارع وبنى عليها وردها هضرة الشماليين، وكان ممكن هاد التيجيني يقول كاع لمغاربة باغيين الحاق دولتهم بإسبانيا لكن خص الريف الكبير فقط بكلامه وخصوصا فهاد الظرفية لي عايشها الريف، طبعا مقدم برنامج ضيف الاولى غلف كلامه المسموم بالقول أن هادشي بسباب السياسيين والمسؤولين، واسيدي السياسيين والمسؤولين الفاسدين مكاينينش غير فالريف وكاينين فالمغرب كامل وحتى يلا كانت هاد الهضرة لي كتروج فالمقاهي والشوارع خاصك تكون بمنتهى الشجاعة وتقول أن لمغاربة كاملين باغيين الحاق لبلاد بإسبانيا، ماشي تجي للريف المبير لي حدوده من بركان الى طنجة وتلوح ليه هاد الهضرة.
دابا السؤال واش هادي دعوة تحريضية أو الصاق تهمة الانفصال بطريقة ذكية؟.
https://youtu.be/-QX8P1orPbE