شعو اللي كيعرف مزيان مزيان البام: درتو جرائم فالحسيمة وغادي نشهد فيكم بالوثائق أمام المحكمة الدولية

هاجم سعيد شعو البرلماني السابق عن إقليم الحسيمة، حزب الأصالة والمعاصرة. شعو اللي كيعرف وربما اكثر من كاع لمغاربة قادة هاد الحزب وصفه باخطر الاوصاف.
شعو أضاف قبل قليل في شريط فيديو على صفحته الخاصّة بالفايسبوك:"البام دار جرائم فالحسيمة ومن بينها إحرق 5 شباب فالبنك ديال الحسيمة وعندنا وثائق تؤكد ذلك".
البرلماني السابق شعُّو دخل مزيان فالبام، وأضاف: "انا عندي وثائق كتأكد كلامي وانا مستعد نشهد فهادشي اللّي كنقول أمام المحكمة الدولية لاهاي بناءً على الوثائق التي أتوفر عليها وراه كاين حتى المكالمات الهاتفية بالدقيقة والساعة ديال كولشي والبام بارع فالقتل ديال عباد الله وغادي يجي انهار اللي غادي نكشفو فيه على كولشي".
طالب سعيد شعو البرلماني السابق لإقليم الحسيمة، في تصريح له، على شريط فيديو نشره على صفحته الخاصّة ب"الفايسبوك"، بإطلاق سراح معتقلي "حراك الرّيف"، وقال البرلماني السابق شعو: "الحل دبا هو إطلاق جميع المعتقلين فأقرب الآجل والشعب الريفي قال كلمته وكفى من العقاب وتعاقبوننا على أبسط شيء اللي هو المطالبة بمطالب اجتماعية".