سكوب. العثماني يحتاقر بنكيران. ما عمرو خبرو فين وصلات المفاوضات ولا اش واقع فيها واخا هو الامين العام للحزب

علمت "كود" ان رئيس الحكومة المكلف بتشكيلها سعد الدين العثماني منخل بزاف بزاف عبد الاله بنكيران. ما كيخبرو ما عطاه شي معطيات على سير المفاوضات تشرح مصادر "كود". العثماني يفاوض الامناء العامين للاحزاب الخمسة باستثناء امين عام حزبه.
"اييه بنكيران خدا مسافة باش ما يشوشش على العثماني فالمفاوضات وتشكيل الاغلبية ولكن هاد الشي لا يعني يوصل بيه النيفو ما يدير ليه حتى اشعار او اخبار باللي وصلنا لهاد المرحلة او تلك" يؤكد مصدر "كود".
العثماني ومن معه لقاها فرصة يقتل "المرحلة البنكيرانية" يضيف قيادي اخر من الحزب ل"كود" قبل ان يضيف "هاد الرغبة على التخلص منها خلاتو يراكم الاخطاء فزمن قياسي" يشرح مصدر "كود".