گلطة سراي باغيين حكيم زياش يبقى معهم

عبرو گلطة سراي التركي على تشبثهم بالدولي المغربي حكيم زياش اللي متألق مع الفريق، بعدما جا له بريطي من تشيلسي النگليزي الصيف اللي فات ولمدة موسم واحد.
وهضر أوكان بوروك، مدرب گلطة سراي على حكيم زيان اللي ماركا 2 بيوتا من أصل 6 الاهداف لواحد، ربحو بهم البارح الاحد سيفاس سبور، وقال فتصريح له: "زياش دابا فحالة مزيانة بزاف بعدما داز من مرحلة صعيبة بسبب الاصابات، وهو لاعب مهم بالنسبة لنا وغايكون معنا الموسم الجاي".
وكلشي كيتسنا واش غايقدرو گلطة سراي يقنعو تشيلسي النگلزي باش يخليو لهم حكيم زياش ويتنازلو لهم على العقد ديالو مقابل مبلغ مزيان، ايضا يقنعو النجم المغربي بصالير وبريمات مزيانين، حيث بزاف ديال التقارير الإعلامية الاوروبية كشفت فأكثر من مرة ان النجم المغربي مقلق على گلطة سراي بسبب المستحقات ديالو اللي كتعطل.