زياش ربح كأس السوبر التركي مع گلطة سراي ففينال عجيب

ربح الدولي المغربي حكيم زياش أول لقب له مع گلطة سراي التركي، بالتتويج بكأس السوبر التركي اليوم الاحد، فواحد من الفينالات المثيرة للجدل فالكورة.
گلطة سراي ربحو كأس السوبر التركي، بعد انسحاب فريق فنربخشة التركي، اللي عندو مشاكل مع الاتحاد التركي لكرة القدم وقرر يلعب الفينال بلاعبين عندهم أقل من 19 عام، وملي الماتش بدا بين الفريقين قدرو گلطة سراي يماركيو هدف فالدقيقة 1 بواسطة ماورو إكاردي، ومن وراها انسحبو لاعبين گلطة سراي من الفينال.
للإشارة فحكيم زياش كان احتياطي فهاد الفينال، أما فنربخشة فعندهم مشكل مع الاتحاد التركي لكرة القدم، حيث كان خفف عقوبة طرابزون سبور اللي كان الجمهور ديالو نزل للتيران وتعدى على لاعبين گلطة سراي فماتش بين الفريقين.