مدرب صن داونز: عندنا فينال صعيب مع الوداد الفريق الواعر اللي مولف الفينالات وأصعب حاجة هي تلعب فكازا

اكد رولاني موكوينا مدرب صن داونز الجنوب إفريقي ان ماتش اياب نهائي السوبر ليك الأفريقي غيكون واعد ضد فريق الوداد الرياضي اللي مولف على الفينالات، وانه كيوجد الفريق الروتور باش يتجاوزو خسارة الذهاب اللي كان الماتش ديالها صعيب فكازا وخسرو واخا دارو اللاعبين ديالو جهدهم كامل.
وتحدث رولاني موكوينا خلال الندوة الصحافية اللي كتسبق ماتش الوداد الرياضي وصن داونز وقال على الفينال: "الماتش مهم وكبير ضد فريق لعب فآخر مباراتين نهائيتين في دوري أبطال افريقيا، عندنا ثقة كبيرة، وغنشوفو كيفاش غيدوز الفينال".
ووضح مدرب صن داونز: "نحاولو الفوز خارج أرضنا، ويمكن ما كناش محظوظين فماتش الذهاب.. ومن البلايص اللي ماتشاتها صعاب كاينة الدار البيضاء والقاهرة وملي كنلعبو مع تي بي مازيميبي، ولكن الصعيب هو ماتش الذهاب فالدار البيضاء، وفيه عطاو اللاعبين كل شيء، ودابا باغيين نكتبو أسمائنا فالتاريخ".
وكمل وقال: "فالمواسم الثلاثة الماضية خرجنا من دوري الأبطال على يد الأهلي وبترو أتلتيكو والوداد.. بالنسبة للسوبر ليك، غنكونو واجدين ولكن مازال خاصنا نستعدو وغنشوفو شنو غيوقع فالنهائي".