حكيم زياش رجع يماركي لگلطة سراي

رجع الدولي المغربي حكيم زياش يهز الشبكة، مع الفريق ديالو گلطة سراي التركي، وساهم فالرباح ديالهم اليوم الثلاثاء على ألانيا سبور، ضمن الدورة 32 من بطولة تركيا.
حكيم زياش اللي كان احتياط فالماتش بين گلطة سراي وألانيا سبور، ودخل مع بداية الشوط الثاني وقدر يماركي الهدف الثاني لگلطة سراي فالدقيقة 61، مع العلم أن زياش وصحابو ربحو الماتش بنتيجة 4 لزيزو.
وكان حكيم زياش من كوب دافريك حتى للسيمانات اللي فاتت ما كيلعبش مع گلطة سراي بسبب الإصابة اللي كانت جاتو فكأس أفريقيا، وكيحاول دابا يرجع للمستوى ديالو شويا بشويا.